Monday, August 15, 2011

تُو مجاہد، تُو فرزندِ قوم و وطن

تُو مجاہد، تُو فرزندِ قوم و وطن

تُو بہادر، تو غازی، تو شمشیر زن

تجھ کو پہچانتے ہیں زمان و زمن

اے جوانِ وطن! اے وقارِ وطن


تُو سَجیلوں کا دل، جیالوں کا راز

تُو بہاروں کا خالق ،زمیں کا سُحاب

تُو فروغِ نظر، جانِ من جانِ من

اے جوانِ وطن! اے وقارِ وطن


تُو جہاں میں اخوت کا پیغامبر

تُو رہے حُریت کا جواں رہبر

تُو ہے خورشیدِ اَمن و اَماں کی پھبن

اے جوانِ وطن! اے وقارِ وطن


سرد ہے عشقِ انساں کا آتش فشاں

گرم رہتاہے بازارِ سُود و زیاں

تجھ سے مٹ جائے گا دشمنوں کا نشاں

تُو رہے گا یونہی زندۂ و کامراں


ہم جہادِ وطن پر رہے ہیں سدا

متفق، متحد، ہم قدم، ہم نوا

بزم، تنظیم، ملت ہے جلوہ فگن

اے جوانِ وطن! اے وقارِ وطن

0 تبصرے:

Post a Comment

السلام علیکم
اگر آپ کو یہ مراسلہ اچھا یا برا لگا تو اپنے قیمتی رائے کا اظہار ضرور کیجیے۔
آپ کے مفید مشوروں کو خوش آمدید کہا جائے گا۔